കൊച്ചി : മെഡിക്കൽ ട്രസ്റ്റ് ആശുപത്രിയിൽ പാലക്കാട് സ്വദേശിയായ ശ്രീ. അബ്ദുൾ അറാഫത്തിന്റെ (42) 9.5 കിലോ ഭാരമുള്ള വൃക്ക വിജയകരമായി നീക്കം ചെയ്തു. 2024 ഡിസംബർ 2-ാം തീയതിയായിരുന്നു മൂന്നര മണിക്കൂർ നീണ്ടുനിന്ന സർജറി മെഡിക്കൽ ട്രസ്റ്റ് ഹോസ്പിറ്റൽ യൂറോളജിസ്റ്റ് ഡോ. സച്ചിൻ ജോസഫ്, നെഫ്രോളജിസ്റ്റ് ഡോ. മുഹമ്മദ് ഇക്ബാൽ, അനസ്തേഷ്യോളജിസ്റ്റ് ഡോ. ജോഷി ജോസ് എന്നിവരുടെ നേതൃത്വത്തിലായിരുന്നു. രണ്ടാമത്തെ വൃക്കയും നീക്കം ചെയ്ത് സുഖം പ്രാപിച്ചു വരുന്ന അബുദ്ൾ അറാഫത്ത് വൃക്ക മാറ്റിവെയ്ക്കൽ ശസ്ത്രക്രിയക്ക് തയ്യാറെടുക്കുകയാണ്. ലോകത്തിൽതന്നെ ആദ്യമായാണ് ഇത്രയും സങ്കീർണമായ വൃക്ക നീക്കം ചെയ്യൽ ശസ്ത്രക്രിയ നടന്നിട്ടുള്ളത്. മെഡിക്കൽ രംഗത്ത് ഇത് ഒരു അപൂർവ്വ നേട്ടമാണ്.
പ്രസ് മീറ്റിൽ പങ്കെടുത്തവർമെഡിക്കൽ ട്രസ്റ്റ് ഹോസ്പിറ്റൽ മാനേജിംഗ് ഡയറക്ടർ ഡോ. പി.വി. ലൂയീസ്, ഡോ. സച്ചിൻ ജോസഫ്, ഡോ. മുഹമ്മദ് ഇക്ബാൽ, ഡോ. ജോഷി ജോസ്, ശ്രീ. അബ്ദുൾ അറാഫത്ത്
